तातोखबर, क्रिकेट / जारी इण्डियन प्रिमियर लिग (आईपीएल) मा शनिबार राजस्थान रोयल्स र रोयल च्यालेन्जर्स बैंग्लुरुबीच खेल हुँदैछ। खेल जयपुरको सवाई मानसिंह स्टेडियममा बेलुकी पौने ८ बजे देखिशुरु हुनेछ।
राजस्थानका सञ्जु सैमसन र बैंग्लुरु फाफ डु प्लेसिसको कप्तानीमा यि दुई टिम मैदानमा उत्रिन लागेका हुन्।
Advertisement:
आईपीएल इतिहासमा राजस्थान र बैंग्लुरुले ३० खेल खेलेका छन्। राजस्थान १२ र बैंग्लुरु १५ खेलमा विजयी भएको छ। यी दुईबीचको ३ खेलमा भने कुनै नतिजा निस्केन । दुई टोलीबिच जयपुरमा ८ खेल भएका छन् जसमा दुवैले समान ४–४ पटक जितेका छन् ।
यस संस्करणमा राजस्थानले तीनवटै खेल जितेको छ। बैंग्लुरुले ४ मध्ये ३ खेलमा हार बेहोरेको छ।
