सुनको भाउ १ लाख ४० हजार पुग्यो
![](https://www.tatokhabar.com/wp-content/uploads/2022/06/gold.jpg)
तातोखबर, काठमाडौं / सुनको भाउले फेरी नयाँ रेकर्ड कायम गरेको छ।
आज प्रतितोला १६ सय रुपैयाँ बढेसँगै सुनको भाउले नयाँ रेकर्ड कायम गरेको हो। आज छापावाला सुनको भाउ १ लाख ४० हजार रुपैयाँमा कारोबार भइरहेको छ।
यसअघि १ लाख ३९ हजार रुपैयाँ पुगेर रेकर्ड कायम भएको थियो। उक्त रेकर्ड मूल्य आज तोडिएको हो।
बुधबार छापावाला सुनको भाउ प्रतितोला १ लाख ३८ हजार ४०० रुपैयाँमा कारोबार भएको थियो। यस्तै, नेपाल सुन चाँदी व्यवसायी महासंघका अनुसार बिहीबार तेजाबी सुन १ लाख ३९ हजार ३५० रुपैयाँमा कारोबार भइरहेको छ।
आज प्रतितोला चाँदीको मूल्य १ हजार ८०५ रुपैयाँमा कारोबार भइरहेको छ।