बागमती प्रदेशमा सवारी दुर्घटना : १० महिनामा २६१ जनाको मृत्यु, १ लाख ८४ हजार माथि कारबाही
तातो खबर
बागमती / बागमती प्रदेशमा चालु आर्थिक वर्षको १० महिनामा ट्राफिक प्रहरीले एक लाख ८४ हजार ३१६ सवारी चालकमाथि कारबाही गरेको छ।
सो कारबाहीबाट १४ करोड ३३ लाख ६४ हजार राजस्व संकलन भएको चितवनस्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले जनाएको छ।
पूर्वपश्चिम राजमार्गमा जडान गरिएको सीसीटिभी र ‘रडार गन’बाट सवारी साधनको गति निगरानी गरिरहेको ट्राफिक प्रहरीले चालु आवको १० महिनामा एक लाख ८४ हजार ३१६ सवारी साधनमाथि नियम उल्लंघनको कारबाही गरेको हो।
उक्त अवधिमा बागमतीका १० वटा जिल्लामा भएका एक हजार १७६ सवारी दुर्घटनामा २६१ जनाको मृत्यु भएको तथा दुई हजार ५८६ जना घाइते भएका सो कार्यालयले जनाएको छ।
उक्त कार्यालयले गत आवमा दुई लाख ९१ हजार २९३ सवारीमाथि कारबाही गरी २६ करोड ३६ लाख ८३ हजार ५०० रुपैयाँ राजस्व संकलन गरेको थियो ।
उक्त आवमा एक हजार ३६२ सवारी दुर्घटनामा ३०४ जनाको मृत्यु भएको थियो। यस्तै, २०७८र७९ मा दुई लाख ५० हजार सवारी साधनमाथि कारबाही गरी दुई करोड ४१ लाख ७० हजार राजस्व संकलन गरेको थियो।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
