आजको मौसम : कोशी, मधेश र बागमती प्रदेशमा वर्षाको सम्भावना
![rain-nepal-tatokhabar](https://www.tatokhabar.com/wp-content/uploads/2022/07/Rain.jpg)
काठमाडौं / देशका कोशी, मधेश र बागमती प्रदेशमा हाल आंशिक बदली रहेको छ। बाँकी भूभागमा मौसम सामान्यतया सफा रहेको मौसम पूर्वानुमान महाशाखाले जनाएको छ।
महाशाखाले दिउँसो पहाडी भूभागमा आंशिकदेखि साधारणतया बदली रहने जनाएको छ। बाँकी भूभागमा मौसम मुख्यतया सफा रहनेछ।
कोशी, गण्डकी र कर्णाली प्रदेशका पहाडी भूभागका थोरै स्थानमा साथै बाँकी पहाडी भूभागमा एकदुई स्थानमा मेघगर्जन र हावाहुरीसहित हल्का वर्षाको सम्भावना छ।
विभागका अनुसार राति देशका पहाडी भूभागमा आंशिक बदली रहनेछ। बाँकी भूभागमा मौसम मुख्यतया सफा रहनेछ। कोशी, बागमती र गण्डकी प्रदेशको पहाडी भूभागका एकदुई स्थानमा मेघगर्जन र हावाहुरीसहित हल्का वर्षाको सम्भावना रहेको महाशाखाले जनाएको छ।
पश्चिम तराईका जिल्लामा आइतबारसम्म तातो हावा चल्ने भएकाले सजकता अपनाउन पनि महाशाखाले अनुरोध गरेको छ।