काठमाडौं / काठमाडौंको तारकेश्वर नगरपालिका-९, मनमैजुमा एक प्रहरी जवान मृत फेला परेका छन्।

ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरे मृत फेला परेको जिल्ला प्रहरी परिसर काठमाडौंका प्रवक्ता प्रहरी उपरीक्षक (एसपी) नवराज अधिकारीले जानकारी दिए।

Advertisement:

एसपी अधिकारीका अनुसार उनी शुक्रबार अपराह्न ५ बजेतिर निर्माणाधीन घरमा मृत भेटिएका हुन्। स्थानीय बासिन्दाले खबरगरेसँगै प्रहरीको टोली घटनास्थल पुगेको थियो।

खोटाङ घर भएका उनि सामाखुशी बस्दै आएका थिए। उनको शव पोष्टमार्टमका लागि त्रिवि शिक्षण अस्पताल पुर्याइएको छ। उनको मृत्युको कारणबारे अनुसन्धान भइरहेको एसपी अधिकारीले बताए।

• ## प्रहरी
• #जिल्ला प्रहरी परिसर काठमाडौँ
• #ट्राफिक प्रहरी
• #प्रहरी जवान