ललितपुरबाट हेटौँडातर्फ जाँदै गरेको कार दुर्घटना हुँदा तीनजना घाइते

तातो खबर

२०८१ जेष्ठ ५

तातोखबर, काठमाडौं / मकवानपुरको बकैया गाउँपालिकामा कार दुर्घटना हुँदा तीनजना गम्भीर घाइते भएका छन्।

ललितपुरबाट हेटौँडातर्फ जाँदै गरेको ग ३ च ९४७५ नम्बरको टाटा कार अनियन्त्रित भई बकैया-१२ चौतारास्थित कान्ति लोकपथ सडकखण्डमा दुर्घटना भएको हो।

कार सडकबाट करिब ४००-५०० मिटर तल खसेको जिल्ला प्रहरी कार्यालयका प्रवक्ता डीएसपी लक्ष्मी भण्डारीले जानकारी दिएका छन् ।

घाइते तीनैजना पुरुष रहेका र उनीहरुको परिचय खुलन नसकेको प्रहरीले जनाएको छ ।

प्रतिक्रिया दिनुहोस् :