मकवानपुर कार दुर्घटना अपडेट : उपचारका क्रममा दुईजनाको मृत्यु
![kantilokpath-car-accident](https://www.tatokhabar.com/wp-content/uploads/2024/05/kantilokpath-car-accident.jpg)
तातोखबर, काठमाडौं / मकवानपुरको कान्तिलोकपथ सडकखण्डमा कार दुर्घटनामा घाइते भएका दुईजनाको उपचारका क्रममा मृत्यु भएको छ। घाइतेमध्ये रौतहटको मौलापुर नगरपालिका ६ बस्ने अन्दाजी १७ वर्षीय विवेक शाह र मकवानपुर भीमफेदी गाउँपालिका ८ बस्ने ६५ वर्षीय प्रेमबहादुर ब्लोनको हेटौँडा अस्पतालमा उपचारका क्रममा मृत्यु भएको हो।
त्यस्तै, अर्का घाइते बारा निजगढ नगरपालिका- ६ बस्ने ३० वर्षीय सन्दीप शाहको हेटौंडाको शहकारी अस्पतालमा उपचार भइरहेको जिल्ला प्रहरी कार्यालय मकवानपुरका प्रबक्ता लक्ष्मी भण्डारीले जानकारी दिए।
ललितपुरबाट हेटौँडातर्फ जाँदै गरेको ग ३ च ९४७५ नम्बरको टाटा कार अनियन्त्रित भई बकैया-१२ चौतारास्थित कान्ति लोकपथ सडकखण्डमा दुर्घटना भएको हो।