रारा गोल्डकपमा आज उपाधि भिडन्त
![rara-gold-cup](https://www.tatokhabar.com/wp-content/uploads/2024/05/rara-gold-cup.jpg)
तातोखबर, धनकुटा / ११ औँ संस्करणको रारा गोल्डकप फुटबल प्रतियोगिताको उपाधिका लागि साविक विजेता सिराहाको सलहेश युथ क्लब र आयोजक रारा फुटबल क्लब बुधबार भिड्दै छन् ।
खेल दिउँसो २ बजे चौबिसे गाउँपालिका वडा नं. ६ मा रहेको राजारानी मैदानमा शुरु हुने आयोजकले जनाएको छ ।
साविक विजेता सलहेश मंगलबार विर्तामोड युनाइटेड क्लब झापालाई टाइब्रेकरमा ५-४ गोल अन्तरले हराउँदै उपाधि नजिक पुगेको हो । यस्तै आयोजक रारा फुटबल क्लब मोरङको डाँगिहाट युथ क्लबलाई सोमबार २-१ गोल अन्तरले हराउँदै फाइनलमा पुगेको हो ।
प्रतियोगिताको विजेताले नगद ५ लाख र उपविजेताले नगद २ लाख ५० हजार रुपैयाँ हात पार्नेछन् ।