काठमाडौँद्वारा ललितपुर ३१ रनले पराजित
तातो खबर
तातोखबर, क्रिकेट / एनसिसी एस महिला तथा पुरुष टी-२० क्रिकेट प्रतियोगिताअन्तर्गत महिलातर्फको खेलमा ललितपुरलाई पराजित गर्दै काठमाडौँ विजयी भएको छ।
मूलपानी क्रिकेट मैदानमा आज भएको खेलमा ललितपुर ३१ रनले पराजित भएको हो।
काठमाडौँले प्रस्तुत गरेको १३१ रनको लक्ष्य ललितपुरले निर्धारित २० ओभरमा ५ विकेट गुमाउँदै ९९ रनमा समेटियो र ३१ रनले पराजित भयो।
ललितपुरका लागि याशु पाण्डेले सर्वाधिक ३५ रनको योगदान दिइन् भने रेखा तामाङले अविजित १६ रन बनाइन्। साविका यादवले १६ रन बनाइन्।
काठमाडौँका लागि संस्कृति फुयाल, विपिशा शाही र एली यादवले समान १/१ विकेट लिन सफल भए ।
त्यसअघि टस जितेर पहिला ब्याटिङ गरेको काठमाडौँले निर्धारित २० ओभरमा ३ विकेट गुमाउँदै १३० रनको योगफल बनाएको थियो। काठमाडौँका लागि अस्मिता खरेलले सर्वाधिक ३७ रनको योगदान दिइन्। कञ्चन श्रेष्ठले ३६ तथा एली यादवले अविजित १८ रन बनाए ।
ललितपुरका लागि मनिषा उपाध्याय र सम्भाव्या ढकालले १/१ विकेट लिए ।
मूलपानी क्रिकेट मैदानमा भइरहेको प्रतियोगिताअन्तर्गत महिलातर्फको खेलमा भोलि भक्तपुर र ललितपुरबीच प्रतिस्पर्धा हुनेछ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
