बजेटमा एमालेको धारणा समेटिएन : विष्णु रिजाल
तातो खबर
काठमाडौं / नेकपा एमालेका केन्द्रीय सदस्य विष्णु रिजालले सरकारले आगामी वर्षका लागि ल्याइएको बजेटमा असन्तुष्टि जनाएका छन्।
उनले सामाजिक सञ्जाल फेसबुकमा स्टाटस राख्दै बजेट र नीति तथा कार्यक्रम संसदमा छलफल नै नभएको र सत्ता गठबन्धनको सबैभन्दा ठूलो दल एमालेको अपजस लिनु पर्ने खालका कुनै पनि कार्यक्रम नसमेटिएको उल्लेख गरेका हुन्।
नेता रिजालले एमालेले अघि सारेका अवधारणा नसमेटिएको र सत्ता साझेदार दलसँग कुनै छलफल नै नभएको बताएका छन्। उनले घुमाउरो पारामा माओवादी केन्द्रले एकलौटी गरेर बजेट ल्याएको उल्लेख गरेका छन्।
रिजालले फेसबुक राखेको स्टाटस
सरकारको नीति-कार्यक्रममा संसद्मा छलफलै भएन, बाहिर पनि खास चासो देखिएन । बजेट सुन्दा र दोहोर्याएर पढ्दा पनि नेकपा (एमाले) प्रतिबिम्बित भएको मैले पाइनँ । बजेट बनाउनुपूर्व सत्ता साझेदार दलबीच गहनतापूर्वक के कति छलफल भयो, थाहा भएन ।
तर, सत्ता समीकरणको सबभन्दा ठूलो दलका हैसियतले सबभन्दा ठूलो अपजस एमालेको टाउकोमा आउने भएकाले नीति तथा कार्यक्रम र बजेटमा एमालेको प्रमुख भूमिका रहनुपर्ने हो । बजेट सामान्य, नियमति र ठीकठीकै छ ।
धेरै पाटा त संसद्मा छलफल हुँदा पनि आउलान् । तर, बजेटमा जुन प्रकारले एमालेले अघि सार्दै आएका अवधारणाहरु समेटिनुपर्ने हो, त्यस्तो देखिएन ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
