काठमाडौं / आईसीसी टी-२० क्रिकेट अन्तरगतको जारी खेलमा ओमानले नामिबियालाई १ सय १० रनको मध्यम लक्ष्य दिएको छ ।  किङ्सटन ओभल बार्बाडोसमा जारी खेलमा टस हारेर ब्याटिङ गरेको ओमानले १९ दशमलव ४ बलमा सबै विकेट गुमाउँदै १०९ रन मात्र बनाउन सक्यो ।

खराब सुरुवात गरेको ओमानले पहिलो बलमै कस्यप प्रजापतिलाई गुमाएको थियो । दोस्रो बलमा  अकिव इलियासलाई गुमाउन पुग्यो । १० रन बनाउँदा ३ विकेट गुमाएको ओमान दबाबमा आयो । ३७ रन बनाउँदा ४ विकेट गुमाएको ओमानका लागि खालिद कैल र जिसद मक्सुदले पालीलाई केही उकासेका थिए ।

Advertisement:

कैलले ३४ रन र मक्सुदले २२ रन जोडे। आयन खानले १५ र सकिल अहमदले ११ रन बनाए । ती बाहेक अन्य कुनै ब्याट्सम्यानले दोहोरो अंक जोड्न सकेनन् ।

नामिबियाका रुवेन ट्रम्पेलम्यानले चार विकेट लिए । डेभिड वाइजको नाममा तीन विकेट रह्यो । जेराड इरामुसले २ विकेट लिँदा बेनार्ड स्कल्टको नाममा एक विकेट रह्यो ।

प्रतियोगिता अन्तर्गत आजै श्रीलंका र दक्षिण अफ्रिका भिड्नेछन् ।

• #आईसीसी
• #ओमान
• #क्रिकेट
• #टी-२०
• #नामिबिया