गिरीबन्धु जग्गा प्रकरण : ओली लक्षित बालेनको फेरीअर्को स्ट्याटस
![balen-shah-games](https://www.tatokhabar.com/wp-content/uploads/2024/01/balen-shah-games.jpg)
तातोखबर, काठमाडौँ / काठमाडौँ महानगरपालिकाका मेयर बालेन्द्र शाहले सामाजिक संजाल मार्फत फेरी एमाले अध्यक्ष केपी शर्मा ओली लक्षित स्ट्याटस लेखेका छन् ।
उनले स्ट्याटस लेख्दै भनेका छन्, ” १० हजार करोड को कान्ड लुकाउन अर्को कान्ड गरेर जनता नझुक्काउनु होला माननीय केपि ओलीज्यू ।
झापा गिरिबन्धुमा बैना लिनेहरूलाई “दुई वर्षभित्र गिरीबन्धुकै जग्गा दिलाउँछौं ” भनेर थम्थमाउनु भएछ । गिरीबन्धु चिया बगानको जग्गामा गर्न खोजेको नीतिगत घोटलामा तपाईंको सहभागिताको इतिहास हेर्दा त्यहाँ तपाईंलाई नभनी पात पनि हल्लन्छ भन्ने लाग्दैन ।
यहि १० हजार करोडको काण्ड लुकाउन र जनतालाई भुलाउन राज्यको सम्पुर्ण शक्ति लगाएर न्युरोडमा हामीले बनाउन लागेको फूटपाथ फेरि सडक बनाउनु थाल्नु भएछ ।
अब बल्ल देश बन्ने भएछ । आफ्ना कर्तुत लुकाउन र विषयान्तर गरे पनि काम हुनु राम्रो हो । तपाईंको शक्तिले अब रिङरोड बनाउनु, बुटवल चितवन बाटो बनाउनु, यस्ता धेरै आयोजनामा लगाउनुहोला । हामी साथमा छौँ । अनि समयमै गिरिबन्धुमा पीडितको बैना फिर्ता गर्नु होला । नत्र कोही साँच्चैको नयाँ आउला र फाइल पल्टाउला । हुन त, पहिले पनि जेल बस्नु भएको हो । धन्यवाद ।”
![](https://www.tatokhabar.com/wp-content/uploads/2024/06/balen-status-400x280.jpg)
उनले केहि दिन अघि गिरीबन्धु टी-स्टेट जसरी जग्गा सट्टापट्टा गर्न निवेदन दिने १०१ कम्पनीहरूको नामावली सार्वजनिक गरेका थिए ।