आज फेरी सुनको भाउमा नयाँ रेकर्ड कायम
![gold-price-in-nepal](https://www.tatokhabar.com/wp-content/uploads/2024/05/gold-price-in-nepal.jpg)
जेठ २२, काठमाडौं / आज फेरी सुनको भाउले नयाँ रेकर्ड कायम गरेको छ ।
शुक्रबार १ लाख ४२ हजार २०० रुपैयाँ पुगेर रेकर्ड कायम गरेको सुनको भाउले मंगलबार पुन: अर्को रेकर्ड कायम गरेको हो । आज सुन तोलामा १ हजार ७०० रुपैयाँ बढेर छापावाला सुन १ लाख ४२ हजार ७०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ । सोमबार छापावाला सुनको भाउ प्रतितोला १ लाख ४१ हजार रुपैयाँमा कारोबार भएको थियो ।
आज तेजाबी सुनको भाउ १ लाख ४२ हजार रुपैयाँमा कारोबार भइरहेको छ । आज प्रतितोला चाँदीको मूल्य १ हजार ८६० रुपैयाँमा कारोबार भइरहेको छ ।
अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण हुने गरेको छ । अन्तर्राष्ट्रिय बजारमा आज सुन प्रतिऔंस सुन २ हजार ३४८ दशमलव ६६ डलरमा कारोबार भइरहेको छ भने चाँदी प्रतिऔंस ३०. ६५ डलरमा कारोबार भइरहेको छ ।