काठमाडौं / सरकारले ल्याएको आगामी आर्थिक वर्षको बजेटमाथिको छलफल बुधबार सकिँदैछ।

बिहान ११ बजे बस्ने प्रतिनिधिसभा बैठकमा बोल्न बाँकी सांसदले आज पनि धारणा राख्नेछन् । संसद् सचिवालयका अनुसार आज एक घण्टा बजेटमाथि छलफल चल्नेछ। सांसदले उठाएका प्रश्नको अर्थमन्त्री वर्षमान पुनले जवाफ दिने कार्यक्रम छ ।

Advertisement:

त्यसपछि अर्थमन्त्री वर्षमान पुनले विनियोजन विधेयक, २०८१, राष्ट्र ऋण उठाउने विधेयक र  भन्सार महशुल विधेयक, २०८१ प्रस्तुत गर्नेछन् । त्यसपछि बजेटमाथि मन्त्रालयगत छलफल शुरु हुनेछ ।

राष्ट्रियसभामा बजेटमाथिको छलफल मंगलबार नै सकिएको छ। बैठकमा अर्थमन्त्री पुनले हिजै सांसदले उठाएका प्रश्नको जवाफ दिइसकेका छन् ।

• #अर्थमन्त्री
• #अर्थमन्त्री वर्षमान पुन
• #आर्थिक वर्ष ०८१/८२
• #प्रतिनिधिसभा
• #बजेट
• #विधेयक