टी-२० विश्वकपमा अस्ट्रेलियाको विजयी सुरुआत
![australia](https://www.tatokhabar.com/wp-content/uploads/2024/06/australia-1.jpg)
काठमाडौं / अस्ट्रेलियाले आइसिसी टी-२० विश्वकपमा सुखद सुरुआत गरेको छ ।
बार्बाडोसस्थित केन्सिङ्टन ओभल मैदानमा बिहीबार अस्ट्रेलियाले ओमानविरुद्ध ३९ रनको जित निकाल्यो ।
जितसँगै समूह ‘बी’ को अस्ट्रेलियाले दुई अंक जोडेको छ। दुवै खेलमा पराजित ओमान अंकविहिन छ । ओमान पहिलो खेलमा नामिबियासँग सुपर ओभरमा पराजित भएको थियो।
अस्ट्रेलियाले दिएको १६५ रन लक्ष्य पछ्याएको ओमानले २० ओभर नै ब्याटिङ गरे पनि ९ विकेट गुमाउँदै १२५ रन बनायो ।
ओमानका लागि आयन खानले ३६, मेहरान खानले २७, कप्तान अकिब इल्यासले १८ र शकिल अहमदले ११ रन बनाए ।
अस्ट्रेलियाका लागि मार्कस स्टोइनिसले तीन तथा नाथन एलिस, मिचेल स्टार्च र एडम जाम्पाले समान दुई विकेट लिए ।
त्यसअघि टस हारेर ब्याटिङको निम्तो पाएको अस्ट्रेलियाले निर्धारित २० ओभरमा पाँच विकेट गुमाउँदै १६४ रनको योगफल तयार पारेको थियो ।
अस्ट्रेलियाका लागि मार्कस स्टोइनिसले ३७ बलमा ६ छक्का र दुई चौकाको मद्दतले अविजित ६७ रनको योगदान गरे । यसैगरी डेविड वार्नरले ५१ बलमा ६ चौका र एक छक्काको मद्दतले ५६, कप्तान मिचेल मार्शले १४ र ट्रभिस हेडले १२ रन बनाए ।
चौथो विकेटका लागि स्टोइनिस र वार्नरले १०२ रनको साझेदारी गरे । ओमानका लागि मेहरन खानले दुई तथा कलीमुल्लाह र बिलाल खानले समान एक विकेट लिए ।
प्रतियोगिता अन्तरगत आज राति आयोजक अमेरिकासँग खेल्नेछ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै