सन्दीप लामिछाने टी-२० विश्वकप खेल्न वेष्टइण्डिज जाँदै
![sandeep-lamichhane-8-year-jail](https://www.tatokhabar.com/wp-content/uploads/2024/01/sandeep-lamichhane1.jpg)
काठमाडौं / नेपाली क्रिकेटर सन्दीप लामिछाने आइसीसी टी-२० विश्वकप क्रिकेट प्रतियोगिता खेल्न वेष्टइण्डिज प्रस्थान गरेका छन् ।
अमेरिका जान नपाएका सन्दीप वेष्टइण्डिजमा हुने दुई वटा खेलमा नेपाली टोलीबाट मैदान उत्रिने नेपाल क्रिकेट संघ क्यानले जनाएको छ ।
नेपालले वेष्टइण्डिजमा दक्षिण अफ्रिका र वंगलादेशसँग प्रतिस्पर्धा गर्ने छ । दुवै खेलमा सन्दीपले सहभागिता जनाउने क्यानका सचिव पारस खड्काले जानकारी दिए ।
बलात्कार मुद्दामा उच्च अदालत पाटनले सफाइ दिएसँगै सन्दीपलाई विश्वकप खेल्ने आधिकारिक १५ जनाको टोलीमा समावेश गरी अन्तिम नामावली आईसीसीलाई बुझाएको क्यानले उल्लेख गरेको छ ।