प्लास्टिकमा बेरेको अवस्थामा पुरुषको शव फेला, हत्या आरोपमा महिला पक्राउ
तातो खबर
बैतडी / प्लास्टिकमा बेरेको अवस्थामा बैतडीको पाटन नगरपालिका-६ मा शव फेला परेको छ । तीन दिनदेखि बेपत्ता रहेका ४५ वीरभानसिंह विष्टको शव सोमबार दिउँसो पाटन पञ्चेश्वर सडकखण्ड अन्तर्गत पर्ने घाङल खोलामा प्लास्टिकमा बेरेर फालेको अवस्थामा फेला परेको हो ।
विष्टलाई बेपत्ता पारेको भन्दै आफन्तले इलाका प्रहरी कार्यालय पाटनमा सोही वडाकै २६ वर्षीया महिला भागरथी बिष्टको नाममा उजुरी दिएका थिए।
त्यसपछि लगत्तै भागरथीलाई प्रहरीले घरबाटै नियन्त्रणमा लिएको बैतडीका प्रहरी प्रवक्ता, प्रहरी वरिष्ठ नायव निरीक्षक भूपाल थापाले जानकारी दिए।
वीरभानको मोबाइल समेत प्रहरी नियन्त्रणमा रहेकी महिलाको साथबाट फेला परेको थियो ।
वीरभान असार १ गतेदेखि बेपत्ता रहेका थिए । पक्राउ परेकी महिलाका श्रीमान्को केही वर्षअघि मृत्यु भएको बताइएको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
