रौतहटमा बहुमूल्य खयरको काठ चोरी तस्करी
![khayer-wood-smuggling](https://www.tatokhabar.com/wp-content/uploads/2024/06/khayer-wood-smugling.jpg)
रौतहट / रौतहटमा बहुमूल्य खयर काठ चोरी तस्करी बढेपछि डिभिजन वन कार्यालय रौतहटले सक्रियता बढाएको छ ।
डिभिजन वन कार्यालय रौतहटले अवैध रूपमा जंगलबाट खयरको काठ काटेर डमरु बनाउँदै गरेको अवस्थामा डमरु र खयरको काठ सहित बरामद गरेको हो । गैंडाटार सब डिभिजन वन कार्यालयअन्तर्गतको वन क्षेत्रबाट डमरु बनाउँदै गरेको अवस्थामा २० थान डमरु, खयरको गोलिया ५ थान र डमरु बनाउने मेसिन बरामद गरेको डिभिजन वन कार्यालय रौतहटका प्रमुख शैलेन्द्र मिश्रले जानकारी दिएका छन् ।
गैडाटार सब डिभिजन वन कार्यालयका रेन्जर विकास लामिछाने, सहायक वन अधिकृत नवनीतकुमार मिश्र, मधुकान्त सिंह र सशस्त्र वन रक्षकको टोलीले बहुमूल्य जातको खयरको रूख काटेर डमरु बनाउँदै गरेको अवस्थामा तयारी डमरु, खयरको गोलिया, डमरु बनाउने मेसिन बरामद गरेको हो ।
वन गस्ती टोलीलाई देख्नासाथ डमरु बनाउने काममा संलग्नहरू फरार भएको कार्यालय प्रमुख मिश्रले जानकारी दिए ।
पछिल्लो समय चुरेफेदीमा पर्ने गैँडाटार, जुडिबेला सब-डिभिजन वन कार्यालयअन्तर्गतका वनबाट तस्कर समूहले खयरको रुख काटेर तस्करी गरिरहेको स्थानीय बासिन्दा बताउँछन् ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै