बागमती र कोशीमा डेंगुका विरामी सबैभन्दा बढी
तातो खबर
तातोखबर, काठमाडौँ / यस पटक डेंगुको सबैभन्दा बढी प्रभाव बागमती र कोशी प्रदेशमा परेको छ। इपिडिमियोलोजि तथा रोग नियन्त्रण महाशाखाअन्तर्गत कीटजन्य शाखाका प्रमुख डा. गोकर्ण दाहालले सन् २०२४ लागेपछि ७२ जिल्लामा डेंगु फैलिएको र सबैभन्दा बढी डेंगुका विरामी बागमती र कोशी प्रदेशमा रहेका बताए।
बागमतीमा प्रदेशमा ४२८ जना र कोशी प्रदेशमा २८५ जना डेंगुका विरामी भेटिएका छन्। उनका अनुसार मधेश प्रदेशमा ३४ जना, गण्डकी प्रदेशमा १८८ जना, लुम्बिनी प्रदेशमा १४८ जना, कर्णाली प्रदेशमा १८ जना र सुदूरपश्चिममा १४० जना डेंगुका विरामी देखिएका छन् ।
जिल्लाअनुसार भने काठमाडौँ र झापामा डेंगुका सबैभन्दा बढी विरामी रहेका छन्। काठमाडौँमा १४१ जना र झापामा ११२ जना विरामी छन्। चितवनमा ७५ जना, मकवानपुरमा ५९ जना, डोटीमा ४७ जना, तनहुँमा ४६ जना, सिन्धुपाल्चोकमा ४४ जना, ओखलढुङ्गामा ४१ जना, रुपन्देहीमा २८ जना र भक्तपुरमा २७ जना डेंगुका विरामी रहेका छन्।
गत साल डेंगुका विरामीको संख्या ५२ हजार ७९० जना पुगेको थियो । डेंगु हुनबाट जोगिने एकमात्र उपाय भनेको लामखुट्टेको टोकाइबाट जोगिनु हो।
उच्च ज्वरो आउने, जोर्नी र मांशपेशी बारम्बार दुख्ने, आँखाको गेडी दुख्ने, बेस्सरी टाउको दुख्नु, शरीरमा राता बिमिरा आउनु, वाकवाकी लाग्नु वा बान्ता हुनु डेंगुका मुख्य लक्षण हुन्। लामखुट्टेको टोकाइबाट बच्न पूरै शरीर ढाक्ने लुगा लगाउन, मच्छर धूप बाल्न, मलम लगाउन महाशाखाको सुझाव छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
