आईसीसी वरीयता : दीपेन्द्र सिंह ऐरीको ऐतिहासिक छलाङ
तातो खबर
काठमाडौं / नेपालका दीपेन्द्र सिंह ऐरीले टी-२० अलराउण्डरतर्फ आइसीसीको वरीयतामा ऐतिहासिक सुधार गरेका छन्।
अन्तराष्ट्रिय क्रिकेट परिषद् आईसीसीले बुधबार सार्वजनिक गरेको पछिल्लो वरीयतामा ऐरीले ऐतिहासिक छलाङ मारेका हुन् । यसअघि ९ औँ स्थानमा रहेका ऐरी तीन स्थान सुधार गर्दै शीर्ष ६ मा आइपुगेका छन्।
केही समयअघि ११ औं स्थानमा रहेका उनी गत साता मात्रै नवौं स्थानमा आइपुगेका थिए। अष्ट्रेलियाका मार्कस स्टोइनिस वरीयताको शीर्ष स्थानमा छन्। श्रीलंकाका वानिन्दु हसराङ्गा दोस्रो तथा बंगालादेशका शकिब अल हसन तेस्रो स्थानमा छन् ।
गत साता शीर्ष स्थानमा रहेका अफगानिस्तानका मोहम्मद नाबी तीन स्थान तल झर्दै चौथो स्थानमा पुगेका छन्। बलिङतर्फ पनि ऐरीले ३१ स्थान सुधार गरेका छन्। यसअघि १२७ औँ स्थानमा रहेका उनी नयाँ वरीयतामा ३१ औँ स्थान माथि उक्लँदै ९६ औँ स्थानमा आएका छन्।
सोमपाल कामीले पनि ८ स्थान सुधार गर्दै ९१ औँ स्थानमा आइपुगेका छन्। कामी र ऐरी बाहेक अन्य कुनै पनि खेलाडी टी-२० बलिङतर्फको शीर्ष सय भित्र पर्न सकेका छैनन्।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
