मकवानपुर / हेटौँडा–काठमाडौँ जोड्ने वैकल्पिक मार्गको रुपमा रहेको सिस्नेरी दक्षिणकाली सडकखण्ड पहिरोका कारण अवरुद्ध भएको छ । गएराति देखि भएको अविरल वर्षाका कारण पहिरो जाँदा उक्त सडकखण्ड अवरुद्ध भएको हो।

वर्षाको कारण  मकवानपुरको इन्द्रसरोवर गाउँपालिका- २ स्थित छेपारेमा पहिरो खस्दा बाटो अवरुद्ध भएको जिल्ला प्रहरी कार्यालय मकवानपुरले जनाएको छ । ठुलो पहिरो गएकोले तत्काल पहिरो पन्छाएर बाटो खुलाउन सकिने सम्भावना नरहेको प्रहरीले जनाएको छ।

Advertisement:

बाटो चांडै सुचारु गर्न सडक डिभिजन कार्यालय मकवानपुर र इन्द्र सरोवर गाउँपालिकाबीच समन्वय भइरहेको प्रहरीले जनाएको छ । प्रहरीले सिस्नेरी हुँदै काठमाडौँ जाने बाटो अवरुद्ध भएकाले अन्य वैकल्पिक मार्ग प्रयोग गर्न अनुरोध गरेको छ।

• ## प्रहरी
• #जिल्ला प्रहरी कार्यालय म्याग्दी
• #पहिरो
• #वर्षा
• #सडक
• #सडकखण्ड
• #हेटौँडा–काठमाडौँ