महिला एशिया कप अभ्यास खेल : श्रीलंकासँग नेपाली महिला क्रिकेट टोली ३३ रनले पराजित
तातो खबर
काठमाडौँ / महिला एशिया कपका लागि आज खेलेको पहिलो अभ्यास खेलमा घरेलु टोली श्रीलंकासँग नेपाली महिला क्रिकेट टोली ३३ रनले पराजित भएको छ। नेपालले जितका लागि ११९ रनको लक्ष्य पाएको थियो।
नवौँ संस्करणको एसीसी महिला एशिया कपमा सहभागी हुन श्रीलंका पुगेको नेपाली महिला क्रिकेट टोलीलाई श्रीलंका डेभलपमेन्ट ११ ले जितका लागि ११९ रनको चुनौती दिएको थियो।
टस जितेर पहिले ब्याटिङ गरेको घरेलु श्रीलंकाले निर्धारित २० ओभरमा ८ विकेट गुमाएर ११८ रन बनाउँदै नेपाललाई जितका लागि ११९को लक्ष्य दिएको थियो।
घरेलु टोलीका लागि आई डुलानी र के नुथ्यांगना दुवैले ४१/४१ बल खेलेर २७/२७ रन बनाए।
नेपालका लागि शबनम राईले १४ रन खर्चेर ३ विकेट र राजमती ऐरीले १२ रन दिएर १ विकेट लिए।
तर १५ ओभरमा छोट्याइएको खेलमा जितको लक्ष्य पनि ९६ रन पाएको नेपालले १५ ओभर खेलेर ९ विकेट गुमाएर ६३ रनमात्र बनाउन सक्यो र ३३ रनले पराजित भयो।
नेपालका लागि रुबिना क्षेत्रीले १७ बलमा १७ रन र सीता राना मगरले २८ बलमा ११ रन बनाए।
घरेलु टोलीका लागि देमी विहंगाले ७ रनमात्र खर्चेर ३ रन र एम शिवानी १० रन दिएर २ विकेट लिए।
नवौँ संस्करणको एशिया कप प्रतियोगिता शुरु हुनुअघि नेपालले ३ अभ्यास खेल खेल्नेछ।
एशिया कप आगामी साउन ४ गतेदेखि १३ गते (जुलाई १९ देखि २८) सम्म श्रीलंकामा हुँदै छ।
प्रतियोगितामा आयोजक श्रीलंका, बंगलादेश, मलेशिया, थाइल्याण्ड, नेपाल, भारत, पाकिस्तान र यूएईसहित ८ टोली सहभागी हुनेछन्।
सहभागी ८ टोलीलाई २ समूहमा विभाजन गरिएको छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
