काठमाडौं / कोलम्बियालाई हराउँदै कोपा अमेरिका फुटबलको उपाधि अर्जेन्टिनाले हात परेको छ।

मिआमीमा आज बिहान भएको खेलमा कोलम्बियालाई १-० गोलले हराउँदै अर्जेन्टिनाले लगातार दोस्रो पटक उपाधि हात पारेको हो। अर्जेन्टिनाको जितमा लाउटारो मार्टिनेजले १ सय १२ मिनेटमा गरेको गोल नै निर्णयक बन्यो।

Advertisement:

निर्धारित समयमा गोलरहित बराबरीमा भएपछि खेल अतिरिक्त समयमा धकेलिएको थियो। कोपामा पहिलो पटक थप ३० मिनेट समय थपिएको थियो। यस अघिका खेलमा यो नियम थिएन।

जितसँगै अर्जेन्टिनाले १६औँ पटक कोपा अमेरिकाको उपाधि हात परेको छ। कोलम्बिया २३ वर्षपछि फाइनलमा पुगेता पनि उपाधि जित्न असफल रह्यो।

• #अर्जेन्टिना
• #उपाधि
• #कोपा अमेरिका
• #कोलम्बिया
• #फाइनल
• #फुटबल