काठमाडौं / संघीय संसद्अन्तर्गत राष्ट्रिय सभाको बैठक शुक्रबार बस्दै छ। बैठक दिउँसो १:१५ बजेका लागि बोलाइएको छ।

बैठकमा प्रधानमन्त्री केपी शर्मा ओलीका तर्फबाट थारु आयोगको पाचौं वार्षिक प्रतिवेदन २०७९/८० सभासमक्ष पेश गर्ने कार्यसूची राखिएको संसद् सचिवालयले जनाएको छ।

Advertisement:

यस्तै राष्ट्रियसभा अध्यक्ष नारायणप्रसाद दाहालले राष्ट्रपतिको कार्यालयबाट प्राप्त विधेयकहरु प्रमाणिकरण सम्बन्धी पत्रको व्यहोरा पढेर सुनाउने छन्। राष्ट्रपति रामचन्द्र पौडेलले गत साउन १ गते बजेटसँग सम्बन्धित आर्थिक विधेयक, २०८१, राष्ट्रऋण उठाउने विधेयक २०८१ र भन्सार महसुल विधेयक २०८१ प्रमणीकरण गरेका थिए।

त्यसअघि बैठकको सुरुमै शून्य समयमा सदस्यहरूले समसामयिक विषयमा सरकराको ध्यानाकर्षण गराउने कार्यसूची रहेको संसद सचिवालयले जनाएको छ।

• #नारायणप्रसाद दाहाल
• #बैठक
• #राष्ट्रिय सभा
• #राष्ट्रियसभा अध्यक्ष
• #विधेयक
• #संघीय संसद्
• #सङ्घीय संसद् सचिवालय