वीरगञ्ज महानगरको राजस्व सङ्कलन बढ्यो, स्थानीय घरेलु उद्योग तथा वाणिज्य उद्योग बन्द हुँदै
तातो खबर
वीरगञ्ज / वीरगञ्ज महानगरपालिकाले आव २०८०/८१ रु. ६१ करोड ४७ लाख १७ हजार एक सय ३१ राजस्व सङ्कलन गरेको छ। महानगरले सङ्कलन गरेको उक्त राजस्व अघिल्लो आवको तुलनामा रु. चार करोड ४५ लाख ४३ हजार नौ सय ३० ले बढी हो।
महानगरपालिका राजस्व महाशाखा प्रमुख मनोज कर्णले गत पुसमा बजेट संशोधन गर्दै रु ९० करोड राजस्व सङ्कलन गर्ने लक्ष्य राखे पनि सो अवधिमा ६१ करोड ४७ लाख राजस्व सङ्कलन भएको बताए। ‘‘आर्थिक मन्दीले करदाता पीडामा भएको बेला पनि उक्त रकम राजस्व सङ्कलन उठ्नुलाई सकारात्मक नै मान्नुपर्ने देखिन्छ”, उनले भने, “आर्थिक वर्षमा राजस्वको लक्ष्य निर्धारण गर्दा आम्दानीलाई हेरेरभन्दा पनि खर्चमा आधारित हुने गरी गराउँदा लक्ष्य पछ्याउन समस्या भएको हो।”
राजस्व महाशाखा प्रमुख कर्णले वीरगञ्ज महानगरमा गत आवमा करको दायरा पनि बढाउन नसकिएको बताए। “गत आवमा घरेलु उद्योग तथा वाणिज्य उद्योग धेरै बन्द भए जसको असर राजस्व सङ्कलनमा पनि परेको छ”, उनले भने।
महानगरले गत आवमा सबैभन्दा धेरै राजस्व सम्पत्ति करमा उठाएको छ। सो शीर्षमा महानगरले रु. २० करोड छ लाख ८४ हजार राजस्व सङ्कलन गरेको छ। त्यस्तै घरबहाल करबापत रु. ११ करोड ७७ लाख ४४ हजार आम्दानी गरेको छ।
चालु र पुँजीगत खर्च
महानगरको गत आवमा पुँजीगत खर्च भने उत्साहजनक देखिएको छैन। महानगरले पुँजीगततर्फ रु. एक अर्ब आठ करोड ९२ लाख विनियोजन गरेकोमध्ये सो अवधिमा रु. ६८ करोड १० लाख रकम मात्र खर्च गरेको हो।
त्यस्तै चालु खर्चतर्फ रु. दुई अर्ब ५६ करोड ५८ लाख बजेट विनियोजनमध्ये रु. एक अर्ब ७५ करोड ६९ लाख रकम खर्च भएको छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
