तनहुँ / पृथ्वी राजमार्गअन्तर्गत तनहुँको आँबुखैरेनी गाउँपालिका-२ ऐनापहरास्थित मर्स्याङ्दी नदीमा भएको बस दुर्घटनामा बेपत्ता एकजना अझै फेला परेका छैनन्।

गत शुक्रबार पोखराबाट काठमाडौँतर्फ गइरहेको भारतीय नम्बर प्लेट यूपी ५३ एफटी ७६२३ नम्बरको बस मर्स्याङ्दीमा खस्दा बेपत्ता भएका २२ वर्षीय गोकर्णी सन्दीप सरोदे अझै नभेटिएको जिल्ला प्रहरी कार्यालय तनहुँका प्रहरी नायब उपरीक्षक दीपक रायले जानकारी दिए।

Advertisement:

दुर्घटनामा २७ जनाको मृत्यु भएको थियो भने १६ जना घाइते भएका थिए। बेपत्ता भएको सरोदेको खोजी कार्य भइरहे पनि फेला पर्न नसकेको प्रहरीले जनाएको छ। बेपत्ता भएका सरोदेका बुबाआमाको सोही दुर्घटनामा परी मृत्यु भएको थियो।

• #आँबुखैरेनी गाउँपालिका
• #पृथ्वी राजमार्ग
• #बस दुर्घटना
• #बेपत्ता
• #भारतीय बस दुर्घटना
• #मर्स्याङ्दी नदी