काठमाडौँ /  पारा ओलम्पिकमा कास्य पदक जितेकी पलेशा गोवर्धनलाई सरकारले आज ६५ लाख पुरस्कार दिने भएको छ।

प्रधानमन्त्री केपी शर्मा ओलीले उक्त पुरस्कार आज एक कार्यक्रममा बीच उनलाई हस्तान्तरण गर्ने कार्यक्रम रहेको छ।  पलेशाले कर नकाटी उक्त रकम पाउने छिन्। आज बिहान साढे ९ बजे प्रधानमन्त्री निवास बालुवाटारमा पलेशासहित प्रशिक्षलाई पनि उक्त पुरस्कार हस्तान्तरण गरिने प्रधानमन्त्रीको सचिवालयले जनाएको छ।

Advertisement:

पेरिस पारालिम्पिक २०२४ अन्तर्गत भदौ १४ गते सम्पन्न  के-४४ वर्ग अन्तर्गत महिला ५७ तौल समूहको प्रतिस्पर्धामा पलेशाले सर्वियाकी मारिजा मिचेभलाई १५–८ ले पराजित गर्दै कास्य जितेकी थिइन्। पारा ओलम्पिकमा पदक जित्ने उनी पहिलो नेपाली खेलाडी बनेकी हुन्।

• #कास्य पदक
• #पलेशा गोवर्धन
• #पारा ओलम्पिक
• #पुरस्कार