एमालेको जागरणसभा भद्रकालीदेखि सुरु

तातो खबर

२०८१ मंसिर ७

काठमाडौं / नेपाल कम्युनिष्ट पार्टी (एमाले) को आज काठमाडौँमा हुन लागेको जागरणसभाको र्‍याली भद्रकालीदेखि सुरु भएको छ।

भद्रकालीबाट सुरु भएको र्‍याली शहिद गेट, सुनधारा, वीर अस्पताल, जमल हुँदै दरबारमार्गमा पुगेर जागरणसभामा परिणत हुने कार्यक्रम छ । कार्यक्रमलाई एमाले अध्यक्ष केपी शर्मा ओलीलगायतका नेताहरूले सम्बोधन गर्नेछन्।

एमाले अध्यक्ष ओली कार्यक्रम स्थलमा दिउँसो १:३० बजे पुग्ने कार्यक्रम रहेको छ। र्‍यालीको नेतृत्व नेकपा (एमाले) वाग्मती प्रदेश कमिटी अध्यक्ष कैलाश ढुङ्गेलले गरेका छन्।

जागरणसभाको संयोजकको जिम्मेवारी पाउनु भएका एमाले स्थायी कमिटी सदस्य एवं वाग्मती प्रदेश इञ्चार्ज डा राजन भट्टराई पार्टी कामको सिलसिलामा देश बाहिर जानु परेकाले जिम्मेवारी ढुङ्गेलले सम्हालेका हुन्।

र्‍यालीमा बाजागाजासहित पार्टीका नेता, कार्यकर्ता, शुभेच्छुक तथा शुभचिन्तकहरू छन्। एमालेले आजको सभामा एक लाखभन्दा बढीको मानिस उपस्थिति गराउने लक्ष्य लिएको छ।

एमालेको जागरणसभा भद्रकालीदेखि सुरु

प्रतिक्रिया दिनुहोस् :

तातोखबर

निर्वाचन प्रचारप्रसारमा १० वटाभन्दा बढी झण्डा र चुनाव चिह्न प्रयोग नगर्न निर्वाचन आयोगको निर्देशन

दुई किलोग्राम सुनसहित १ जना पक्राउ

स्वास्थ्य सेवा ऐन ल्याउने तयारी भैरहेको छ : प्रदीप पौडेल