सुदूरपश्चिम प्रदेश सरकार गठनविरुद्ध दायर रिटमा सर्वोच्चले दिएन अन्तरिम आदेश
तातो खबर
तातोखबर, काठमाडौँ / सुदूरपश्चिम प्रदेश सरकार गठनविरुद्ध दायर भएको रिटमा सर्वोच्च अदालतले अन्तरिम आदेश दिन अस्वीकार गरेको छ।
प्रदेश प्रमुखले मुख्यमन्त्रीमा दीर्घ सोडारीको नियुक्तिको बिषयलाई लिएर लक्ष्मणकिशोर चौधरीले उक्त निर्णय तत्काल कार्यान्वयन नगरी आफूलाई मुख्यमन्त्रीमा नियुक्ति गर्न भनी अन्तरिम आदेश जारी गर्न माग गरेका थिए।
रिटमा न्यायाधीश बालकृष्ण ढकालको एकल इजलासले विपक्षीको नाममा कारण देखाऊ आदेश जारी गरेको छ। आगामी वैशाख २० गतेभित्र सोडारीलाई मुख्यमन्त्रीमा नियुक्त गर्नुको कारणसहित लिखित जवाफ पेश गर्न आदेश सर्वोच्चले दिएको थियो।
इजलासले यही वैशाख ६ गते प्रदेश प्रमुखले मुख्यमन्त्रीमा सोडारीलाई नियुक्त गरेको सम्बन्धित सक्कल कागजातसमेत झिकाउने आदेश दिएको सर्वोच्चका सूचना अधिकारी गोविन्द घिमिरेले जानकारी दिए।
उनका अनुसार इजलासले यो मुद्दालाई अग्राधिकार दिँदै पूर्ण सुनुवाइका लागि वैशाख २३ गतेको पेशी तोकेको छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
