प्रचण्डद्वारा कांग्रेसलाई बालुवाटारको निम्तो, सर्वदलीय बैठकको तयारी
तातो खबर
तातोखबर, काठमाडौं / संसदको जारी गतिरोध अन्त्यका लागि प्रधानमन्त्री पुष्पकमल दाहाल प्रचण्डले नेपाली कांग्रेससँग प्रधानमन्त्री निवास बालुवाटारमा छलफल गर्दैछन्।
कांग्रेससँगको छलफलपछि प्रधानमन्त्री दाहालले आजै सर्वदलीय बैठक बोलाउने तयारी समेत गरेका छन् ।
कांग्रेसले सहकारी ठगी प्रकरणमा उपप्रधानमन्त्री तथा गृहमन्त्री रवि लामिछानेमाथि छानबिन गर्न संसदीय समिति गठनको माग गर्दै संघीय संसदका दुवै सदन अवरुद्ध पारेको छ। संसदको हिउँदे अधिवेशनमै विरोध सुरु गरेको कांग्रेसले शुक्रबार सुरु भएको बर्खे अधिवेशनको पहिलो दिन नै दुवै सदन अवरुद्ध गरेको थियो ।
हिजो कांग्रेसको कार्य सम्पादन समितिको बैठकले संसदीय छानबिन समिति नबनेसम्म संसद चल्न नदिने निर्णय गरेको थियो । कांग्रेस कडा रुपमा प्रस्तुत हुन थालेपछि प्रधानमन्त्री प्रचण्डले आज आफ्नै निवासमा बोलाएर छलफल गर्न लागेका हुन् ।
सरकारले जेठ १ गते सरकारको नीति तथा कार्यक्रम संसदमा प्रस्तुत गर्ने तयारी गरेको छ । जेठ १५ गते बजेट सार्वजनिक गर्नुपर्ने र त्यसअघि नीति तथा कार्यक्रम, आर्थिक सर्वेक्षण लगायत पेश गर्नुपर्ने भएकाले बजेटको तालिका प्रभावित नबनाउन प्रधानमन्त्रीले कांग्रेसलाई आग्रह गर्ने बताइएको छ ।
प्रधानमन्त्रीसँगको छलफलमा संसदीय समितिको विषयमा समेत कांग्रेसले कुरा उठाउने आंकलन गरिएको छ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
