धरान-चतरा सडक खण्डमा स्कुटर दुर्घटना हुँदा मुडभरीको मृत्यु
![keshav-mudbari](https://www.tatokhabar.com/wp-content/uploads/2024/05/keshav-mudbari.jpg)
तातोखबर, काठमाडौं / मकवानपुरमा गएराति स्कुटर दुर्घटना हुँदा एकजनाको मृत्यु भएको छ।
बागमती गाउँपालिका–४ सादेपुलस्थित धरान-चतरा सडक खण्डमा भएको दुर्घटनामा हेटौंडा-१३ का ४५ वर्षीय केशवप्रसाद मुडभरीको मृत्यु भएको हो।
दुर्घटनामा गम्भीर घाइते भएका मुडभरीको उपचारका क्रममा हेटौंडा अस्पतालमा राति ९ बजे मृत्यु भएको मकवाननपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए। उनी विद्यालय सञ्चालक र स्टेसनरी व्यवसायी समेत हुन्। उनले केही वर्ष पत्रकारितासमेत गरेका थिए।
ना ६६ प ९३०३ नम्बरको स्कुटर रड बोकेको ट्याक्टरमा ठोक्किएर दुर्घटना भएको प्रहरीको अनुमान छ। मुडभरीको अनुहार र टाउकोमा गहिरो चोट लागेको थियो। प्रहरीले राति नै घटनास्थलबाट ३ किलोमिटर उत्तरतर्फ भोर्लेनीबाट काभ्रेको तालढुंगा जाने भित्रि सडक खण्डमा रोकिराखेको ना ७ त २२५९ नम्बरको रड लोड भएको ट्याक्टर नियन्त्रणमा लिएको छ।
चालक फरार रहेको र खोजी भइरहेको इलाका प्रहरी कार्यालय फापरवारीले जनाएको छ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै