भ्रामक प्रचार गरेको आरोपमा क्यानका उपाध्यक्ष सिंहसहित ४ जनालाई स्पष्टीकरण सोधिने
तातो खबर
काठमाडौँ / नेपाल क्रिकेट संघ (क्यान)को बैठकले क्यानका उपाध्यक्ष रोशनकुमार सिंहसहित ४ जनालाई स्पष्टीकरण सोध्ने निर्णय गरेको छ।
क्यान केन्द्रीय कार्यसमितिको बिहीवार र शुक्रवार बसेको बैठकले उपाध्यक्ष सिंहसहित दुईजना केन्द्रीय सदस्य माधवकुमार कर्माचार्य तथा दुर्गाराज पाठकका साथै सुनसरी जिल्ला क्रिकेट संघका अध्यक्ष चेतनाथ पौडेललाई स्पष्टीकरण सोध्ने निर्णय गरेको हो।
नेपाली टोली विश्वकप क्रिकेटमा सहभागी हुनेक्रममा सामाजिक सञ्जालसहित विभिन्न सञ्चारमाध्यममा आधारहीन र अनर्गल अन्तरवार्ता दिएको आरोप क्यानले लगाउँदै स्पष्टीकरण सोध्ने भएको हो।
क्यान र क्यानका पदाधिकारीलाई लक्षित गरी विभिन्न सञ्चारमाध्यम र सामाजिक सञ्जालमा क्यान पदाधिकारी, सदस्य, क्यानमा आबद्ध प्रदेश तथा जिल्ला संघका पदाधिकारीले क्यानको निर्णयविपरीत हुँदै नभएका आधारहीन कुराहरुको अन्तरवार्ता एवं भ्रामक प्रचार गरेको र सामाजिक सञ्जालमा समेत राखेको पाइएकोले त्यस्ता गलत काममा संलग्न व्यक्तिलाई क्यानको विधानबमोजिम स्पष्टीकरण सोध्ने र कारवाहीका लागि आवश्यक प्रक्रिया अगाडि बढाउने निर्णय बैठकले गरेको क्यानले जनाएको छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
