काठमाडौं, ६ चैत्र / सत्ता समीकरण परिवर्तन गरेका प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभाबाट पुन विश्वासको मत लिएका छन् । सोमबार सम्पन्न प्रतिनिधि सभाबाट छोटो अवधिमा अर्को पल्ट विश्वासको मत लिएका हुन् ।

सोमबार बसेको प्रतिनिधि सभामा प्रम दाहालले पुन एक पल्ट विश्वासको मत दिन सम्पूर्ण सांसदहरुमा प्रस्ताव राखेका थिए । उनले विश्वासको मत माग्दै राखेको प्रस्तावमा प्रतिनिधि सभा सदस्यहरूले मतदान गरेका थिए । प्रधानमन्त्री दाहालको प्रस्तावको पक्षमा १७२ मत खसको थियो ।

Advertisement:

प्रधानमन्त्री दाहालले राखेको प्रस्तावको विपक्षमा ८९ मत परेको छ । सोमवार बसेको प्रतिनिधि सभामा २ सय ६२ सांसदहरुले मतदान गरेका थिए । तीमध्ये १ सांसदले मतदान नै गरेनन् । प्रम दाहालले गत पुस २६ मा प्रतिनिधि सभाबाट विश्वासको मत पाएका थिए । त्यतिबेला उनले २६८ जना सांसदको विश्वासको मत पाएका थिए ।

• #दाहाल
• #प्रचण्ड
• #विश्वासको मत