६८९ स्थानीय तहको नतिजा सार्वजनिक ः कांग्रेसले जित्यो ३०५ पालिका
![](https://www.tatokhabar.com/wp-content/uploads/2022/05/election-update.jpg)
काठमाडौं । स्थानीय तह निर्वाचनअन्तर्गत हालसम्म ६८९ पालिकाको नतिजा सार्वजनिक भएको छ । जसअन्तर्गत नेपाली कांग्रेसले ३०५ पालिका जितेको छ भने नेकपा (एमालेले) १८७ पालिका जितेको छ ।
यसैगरी, नेकपा (माओवादी केन्द्र)ले ११८ पालिका जित्दा नेकपा (एकीकृत समाजवादी)ले नौ, जनता समाजवादी पार्टीले १९ र अन्य पार्टीले ५१ पालिका जितेका छन् ।
शनिबार बिहान ११ बजेसम्म निर्वाचन आयोगको केन्द्रीकृत डाटामा समाविष्ट तथ्याङ्क अनुसार नेपाली कांग्रेसले १२१ पालिकामा प्रमुख पद जितेको छ भने १६ पालिकामा अग्रता लिएको छ ।
यस्तै, नेकपा (एमाले) ले ६६ पालिकामा प्रमुख पद जितेको छ भने १६ पालिकामा अग्रता लिएको छ। नेकपा (माओवादी केन्द्र) ले २२ पालिकामा प्रमुख पद जितेको छ भने चार पालिकामा अग्रता लिएको छ ।
यस्तै, नेकपा (एकीकृत समाजवादी) ले नौ पालिकामा प्रमुख पद जितेको छ भने दुई पालिकामा अग्रता कायम गरेको छ । यस्तै, अन्य पार्टीले २४ पालिकामा प्रमुख पद जितेको छ भने ११ पालिकामा अग्रता बनाएको छ ।
गाउँपालिकातर्फ कांग्रेसले १८४ पालिकामा अध्यक्ष पद जितेको छ भने चार पालिकामा अग्रता लिएको छ । एमालेले १२१ पालिकामा अध्यक्ष पद जितेको छ भने दुई पालिकामा अग्रता लिएको छ ।
माओवादी केन्द्रले ९६ पालिकामा अध्यक्ष पद जितेको छ भने कुनै पनि पालिकामा अग्रता लिएको छैन । जनता समाजवादी पार्टी (जसपा)ले १९ पालिकामा अध्यक्ष पद जितेर तीन पालिकामा अग्रता लिएको छ । यस्तै, अन्य पार्टीले २७ पालिकामा अध्यक्ष पद जितेको भने चार पालिकामा अग्रता लिएको छ ।
यस्तै, कांगेसले ९२ पालिकामा उपप्रमुख पद जितेको छ भने १७ पालिकामा अग्रता लिएको छ । यस्तै, एमालेले ८९ पालिकामा उपप्रमुख पद जितेको छ भने २३ पालिकामा अग्रता लिएको छ ।
माओवादी केन्द्रले ३१ पालिकामा उपप्रमुख पद जितेर पाँच पालिकामा अग्रता लिएको छ। जनता समाजवादीले नौ पालिकामा उपप्रमुख पद जितेर दुई पालिकामा अग्रता कायम राखेको छ । अन्यले २० पालिकामा उपप्रमुख पद जितेका छन् भने तीन पालिकामा अग्रता लिएका छन् ।
यस्तै, कांग्रेसले १८७ पालिकामा उपाध्यक्ष पद जितेको छ भने तीन पालिकामा अग्रता बनाएको छ । एमालेले १२२ पालिकामा उपाध्यक्ष पद जितेको छ भने चार पालिकामा अग्रता लिएको छ ।
माओवादी केन्द्रले ९३ पालिकामा उपाध्यक्ष पद जितेको छ भने तीन पालिकामा अग्रता लिएको छ । जनता समाजवादी पार्टीले १८ पालिकामा उपाध्यक्ष पद जितेको छ भने एक पालिकामा अग्रता बनाएको छ ।
अन्यले २७ पालिकामा उपाध्यक्ष पद जितेका छन् भने दुई पालिकामा अग्रता लिएका छन् । यस्तै, कांग्रेसले दुई हजार ४९९ वटा वडामा अध्यक्ष जितेर १२ वटा वडामा अग्रता लिइरहेको छ ।
नेकपा एमालेले एक हजार ९९३ वटा वडा जित्दा १६ वडामा अग्रता लिइरहेको छ। नेकपा (माओवादी केन्द्र) ले एक हजार २३ वटा वडामा अध्यक्ष जितेको छ । दुई वटा वडामा उसले अग्रता लिइरहेको छ ।
यस्तै, जनता समाजवादी पार्टीले २६२ वटा वडामा अध्यक्ष जितेको छ भने तीन वटा वडामा अग्रता लिइरहेको छ । अन्यले ५४९ वटा वडा जितेका छन् भने चार वटामा अग्रता लिएका छन् ।
– गोरखापत्र
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै