भूकम्प प्रभावित क्षेत्रका सार्वजनिक संरचना प्रदेश सरकारले बनाउने
![](https://www.tatokhabar.com/wp-content/uploads/2023/11/bhukampa-jajarkot-4.jpg)
जाजरकोट । भूकम्प प्रभावित क्षेत्रका सरकारी तथा सार्वजनिक संरचना कर्णाली प्रदेश सरकारले बनाउने भएको छ ।
भूकम्पबाट सरकारी कार्यालय, विद्यालय, प्रहरी कार्यालय, खानेपानी, सिँचाइ आयोजनामा भएको क्षति प्रदेश सरकारले निर्माण गर्ने भएको प्रदेशका आर्थिक मामिला तथा योजना मन्त्री वेदराज सिंहले जानकारी दिए ।
गत कात्तिक १७ गते शुक्रबार राति जाजरकोटको लामीडाँडा केन्द्रविन्दु बनाएको गएको शक्तिशाली भूकम्पबाट ११ जिल्ला प्रभावित बनेको छ । जसमध्ये सबैभन्दा धेरै जाजरकोट र रुकुम पश्चिममा क्षति पुर्याएको छ ।
भूकम्पले जाजरकोटमा ३३, रुकुम पश्चिममा १२, सल्यानमा तीन, जुम्लामा चार वटा, कालिकोटमा दुई वटा गरी कर्णालीका ५४ वटा प्रहरी भवनमा क्षति पुगेको छ ।
यस्तै, कर्णालीभरमा तीन सयभन्दा बढी विद्यालय भत्किएको पाइएको छ । सङ्घ र प्रदेश सरकारका प्राविधिक विद्यालयको अवस्थाबारे तथ्याङ आइनसकेको सामाजिक विकास कार्यालय जाजरकोटले जनाएको छ ।
यसैगरी, स्वास्थ्य संस्था र खानेपानी, सिँचाइतर्फको पनि तथ्याङ्कसमेत अझैँ यकिन हुन सकेको छैन । स्थानीय तह र प्रदेश सरकारले तयार गरेको तथ्याङ्क फरक परेपछि समस्या भएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै