बिलबुकभित्र १००० रुपैयाँ राखी प्रहरीलाई दिन खोज्दा पक्राउ
![](https://www.tatokhabar.com/wp-content/uploads/2023/11/nepal-police.jpg)
काभ्रे, तातोखबर । आर्थिक प्रलोभनमा पार्न खोजेको आरोपमा काभ्रेबाट एकजना पक्राउ परेका छन् । पक्राउ पर्नेमा काभ्रेको रोशी गाउँपालिका–८ का ५९ वर्षीय सानुकान्छा तामाङ छन् ।
उनलाई सोमबार बिहान धुलिखेल नगरपालिका–११, काभ्रेभञ्ज्याङस्थित बीपी राजमार्गबाट नियन्त्रणमा लिइएको जिल्ला प्रहरी कार्यालय काभ्रेले जनाएको छ ।
उनी बा.प्र.०२–०३७ प ०९९७ नम्बरको स्कुटरमा धुलिखेलबाट भकुन्डेबेसि तर्फ जाँदै थिए । चेकिङका क्रममा सवारीचालक अनुमतिपत्र (लाइसेन्स) मागिएको थियो । त्यसक्रममा उनले पटक-पटक ‘मेरो लाइसेन्स यो हो’ भन्दै बिलबुकभित्र एक हजार रुपैयाँ राखी डिउटीका प्रहरी कर्मचारीलाई आर्थिक प्रलोभनमा पार्न खोजेको वाग्मती प्रदेश प्रहरी कार्यालयले जनाएको हो ।
उनले पहिले आफूसित लाइसेन्स नभएको पनि बताएका थिए । चिट काट्न खोज्दा आवेशमा आएर अपशब्द प्रयोग गरी उनले अभद्र व्यवहार गरेको जिल्ला प्रहरी कार्यालयले जनाएको छ ।
आर्थिक प्रलोभन देखाई प्रभावमा पारी कर्तव्यपथबाट विचलित गर्न दुरुत्साहन गरेको आरोपमा उनलाई पक्राउ गरिएको हो । उनलाई सो स्कुटरसहित नियन्त्रणमा लिइएको थियो ।
उनीविरुद्ध अभद्र व्यवहारमा अनुसन्धानका निम्ति सोमबारै काभ्रेपलाञ्चोक जिल्ला अदालतबाट सात दिन म्याद थप भएको प्रहरीले जनाएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै