नेपाल बार एसोसिएसनले आज स्थापना दिवस मनाउँदै
![nepal-bar-association-kathmandu-tatokhabar-tatatokhabar-tato-khabar](https://www.tatokhabar.com/wp-content/uploads/2023/12/nepal-bar-association-kathmandu-tatokhabar-tatatokhabar-tato-khabar.jpg)
तातोखबर, काठमाडौं : कानून व्यवसायीको छाता संगठन नेपाल बार एसोसिएसनले आज शनिबार स्थापना दिवस मनाउँदैछ । ‘स्वतन्त्र न्यायपालिका, प्रविधिमैत्री सेवा : सक्षम कानुन व्यवसायी, पेशागत मर्यादा’ नाराका साथ ६८ औँ स्थापना दिवस मनाउन लागेको हो ।
दिवसका अवसरमा एसोसिएसनले शुभकामना आदान-प्रदान तथा चियापानको कार्यक्रम आयोजना गरेको छ । कार्यक्रम काठमाडौंको रामशाहपथस्थित बार एसोसियसनको प्राङ्गणमा बिहान १० बजे शुरु हुने महासचिव अधिवक्ता अञ्जिता खनालले बताईन ।
एसोसिएशनले प्रत्येक वर्ष पुस ७ गते स्थापना दिवस अर्थात् ‘बार डे’ का अवसरमा चियापन कार्यक्रम गर्दै आएको छ । २०१३ साल पुस ७ गते स्थापना भएको नेपाल बार एसोसियसन हाल देशभरका ८३ भन्दा बढी बार एकाइको साझा संगठन बनेको छ ।
हाल २१ हजारभन्दा बढी कानून व्यवसायीले व्यावसायिक प्रमाणपत्र लिएका छन् ।