नेपाल सुपर लिग (एनएसएल)मा ललितपुर सिटी एफसी फाइनलमा
तातो खबर
तातोखबर, काठमाडौँ : नेपाल सुपर लिग (एनएसएल)मा ललितपुर सिटी एफसी फाइनलमा पुगेको छ ।
आज (बिहीवार) साँझ त्रिपुरेश्वरस्थित दशरथ रंगशालामा भएको दोस्रो क्वालिफायरमा पोखरा थन्डर्सलाई २-१ गोल अन्तरले पराजित गर्दै ललितपुरले धनगढी एफसीसँग उपाधि भिडन्त पक्का गरेको हो ।
निर्धारित समयमा दुवै टोली १-१ गोलको बराबरीमा रोकिएपछि खेल अतिरिक्त समयमा धकेलिएको थियो ।
खेलको पहिलो हाफको इन्जुरी समयमा इमोह इजेकेलले गोल गर्दै ललितपुरलाई अग्रता दिलाएका थिए तर दोस्रो हाफको ७१ औँ मिनेटमा स्टेफन कोजो एन्नोरले गोल गर्दैै पोखरा थन्डर्सलाई बराबरीमा पुर्याएका थिए ।
थप समयको नवौँ मिनेटमा कुशल देउवाले गोल गर्दै १० खेलाडीमा सीमित ललितपुरलाई पुनः अग्रता दिलाए। फाउल गरेकाले दोहोरो पहेँलो कार्ड खाँदै आयुश घलानले मैदान छाडेपछि खेलको ३३ औँ मिनेटमा ललितपुर १० खेलाडीमा सिमित भएको थियो ।
अतिरिक्त समयमा देउवाले गरेको गोल नै निर्णायक बन्यो। आजको विजेता ललितपुरले धनगढी एफसीसँग शनिवार उपाधिका लागि प्रतिस्पर्धा गर्नेछ ।
प्रतियोगिताको विजेताले ७० लाख रुपैयाँ नगद पुरस्कार पाउनेछ भने उपविजेता टोलीले २० लाख रुपैयाँ नगद पाउनेछ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
