इजरायललाई गैरकानूनी हत्या रोक्न संयुक्त राष्ट्र संघको आग्रह
![gajapatti-attack](https://www.tatokhabar.com/wp-content/uploads/2023/12/gajapatti-attack.jpg)
तातोखबर : संयुक्त राष्ट्र संघले इजरायललाई गैरकानूनी हत्या रोक्न आग्रह गरेको छ ।
वेस्ट बैंकमा इजरायलले गिरफ्तारी, हत्या तथा मानव अधिकार उल्लंघनको शिलशिला चलाएको राष्ट्र संघको आरोप छ । इजरायलले गाजासहित वेस्ट बैंक क्षेत्रमा पनि गम्भीर मानव अधिकार उल्लंघन गरेको आरोप लगाएको छ । संयुक्त राष्ट्रसंघीय मानव अधिकार मामिलाका प्रमुख वोल्कर टर्कले इजरायलले सैन्य शक्तिको अनियन्त्रित प्रयोग गरेको बताए ।
यसैबीच इजरायलले मध्य गाजामा स्थलगत आक्रमणलाई तीव्रता दिएको छ । यसअघि दक्षिण गाजाबाट स्थानीयहरुलाई हटाएर स्थलगत तथा हवाई आक्रमण गरी खण्डहर बनाएको इजरायलले मध्य गाजामा शरणार्थी शिविरमा प्रवेश गरी आक्रमण गरेको छ । जसका कारण शिविरमा रहेका झण्डै एक लाख ५० हजार मानिस जबरजस्ती विस्थापित भएका छन् ।
जारी आक्रमणमा गाजामा दैनिक जसो३ सयको हाराहारीमा मानिसको मृत्यु भइरहेको छ । ७ अक्टोबर यता गाजामा मृत्यु हुनेको संख्या साढे २१ हजार नागेको छ । जसमध्ये झण्डै १० हजार त बालबालिका मात्रै छन् ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै