भैरहवा नागरिक अभिनन्दन: फरक शैलीमा जनता को साथ खोज्दै पूर्वराजा ज्ञानेन्द्र शाह
![bhairahawa-king-gyanendra-shah-nagarik-abhinandan-tatokhabar-tato-khabar](https://www.tatokhabar.com/wp-content/uploads/2024/01/bhairahawa-king-gyanendra-shah-nagarik-abhinandan.jpg)
भैरहवा, १९ पौष / पूर्वराजा ज्ञानेन्द्र शाहले अब सबै जनतालाई एकै ठाउँमा उभिन आग्रह गरेका छन् । भैरहवामा आज आयोजित नागरिक अभिनन्दन कार्यत्रमलाई सम्बोधन गर्दै पूर्वराजा ज्ञानेन्द्रले यस्तो आग्रह गरेका हुन् ।
यसअघिका भाषणहरुमा भन्दा धेरै नै फरकशैलीमा समारोहलाई सम्बोधन गर्दै उनले जनताको साथ खोजेको देखिएको छ । सो अवसरमा पूर्वराजा शाहले बेरोजगारी, गरिबी, शैक्षिक कमजोरी र बाध्यकारी परिस्थितिले लाखौं युवा जनशक्ति विदेशिन बाध्य भएको बताए ।
‘देशको माया नभएर होइन, अवस्था बिग्रिएर, असन्तोष, आक्रोस तथा विवश भएर युवा जमात बाहिरिएको छ । यस्तो अवस्थाको अन्त्य हुनै पर्दछ’ उनले भने ‘देशमै उत्पादन, उद्यम, इलम, सीप, शिक्षाको नयाँ अध्याय खडा गर्नुपरेको छ । देशलाई खोक्रो पार्नेगरी चलिरहेको आजको चलनचल्तीमा व्यापक हेरफेर र सुधार गर्नै पर्दछ ।’
बुढापाका अनुभवीहरुको विचारमा हाम्रो राष्ट्रको अस्तित्वमाथि खिया लाग्दै गएको उनले टिप्पणी गरे । राजनीतिक दलहरुप्रति सङ्केत गर्दै ‘हामी मात्र ठीक अरु बेठिक, हाम्रो बाटो मात्र सुबाटो अरुको कुबाटो’ भन्ने विचारबाट माथि उठ्न उनले आग्रह समेत गरे ।
सम्बोधनका क्रममा पूर्वराजा शाहले अगाडि थपे ‘हामी सबैको भविष्य, सुख, शान्ति यसैमा छ । विगतको सबै दुःख बिर्साैं, मायाले मायालाई भरिदिऔंं, घृणाले घृणाको आगोलाई कतै जलाइदिऔं, पहिले यो आगोलाई मिलेर निभाइदिऔं ।’ सम्बोधनका क्रममा सबै कुराको समीक्षा गरेर एउटा राम्रो मार्ग चित्र तयार गर्न र आमनेपाली मिलेर देश बनाउनु पर्ने अवस्थालाई समेत उनले औंल्याए । आफ्नै स्रोत र साधनको परिचालन गरेर देशको समृद्धि नेपालीले नै अघि बढाउनु पर्ने पनि पूर्व राजा ज्ञानेन्द्र शाहको कथन थियो ।
उनले आफू सधैं नेपालीको साथमा नेपाल भित्रै रहेको र नेपालीको सुख दुःख सुविधा असुविधा, बाधा पीडा हिजो र आजको अवस्थालाई नजिकबाट नियालिरहेको पनि बताए ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै