नेपालमा रगतको खोलो बगाउँछु तर बिजुलीको बिल तिर्दिन ‘कुलमानजीलाई चुनौति’: पवन गोल्यान
![kulman-ghising-pawan-golyan-challange-to-nepal-electricity-authority](https://www.tatokhabar.com/wp-content/uploads/2024/01/kulman-ghising-pawan-golyan.jpg)
तातोखबर, काठमाडौँ / रिलाइन्स स्पिनिंग मिलका सञ्चालक एवं उद्योगी पवन गोल्यानले नेपाल विद्युत प्राधिकरणले पठाएको फर्जी बिलको एक रुपैयाँ तिर्नुपर्ने अवस्था आए आफू रगत बगाउन तयार भएको बताएका छन् ।
आइतबार विद्युत प्राधिकरणले बिजुलीको लाइन काटेका उद्योगीहरुले आयोजना गरेको पत्रकार सम्मेलनमा गोल्यानले यस्तो बताए । प्राधिकरणका प्रबन्ध निर्देशक कुलमान घिसिंगले खराब नियत राखेर उद्योगीहरुलाई फर्जी विल पठाएको गोल्यानले आरोप लगाए ।
‘आज मलाई निद्रा लागेको छैन, मैले रोजगारी दिएका पाँच हजार परिवारको अवस्था के हुन्छ भन्ने कुराले सताउँछ, के उद्योग लगाउनु अपराध हो रु पाँच हजार परिवारलाई पोस्नुचाहिँ अपराध हो रु’ गोल्यानले भने, ‘रिलाइन्स स्पिनिंग मिलको १ अर्ब ९४ करोड तिर्नुपर्ने भनेर प्राधिकरणले झुटो दाबी गरेको छ । एक रुपैयाँ पनि तिर्नुपर्यो भने म रगत बगाउन पनि तयार छु । यस्तै हावादारी कुरा गरेर हुन्छ र? कुलमानजीलाई मेरो चुनौति छ यदि मेरो उद्योगले बिजुली उपयोग गरेको भए त्यसको प्रमाण दिनुस् ।’
उद्योगीहरुसँग अब एउटै बिकल्प रहेको उनले बताए । ‘हाम्रा मजदुरहरु सडकमा उत्रिएका छन् । हामी उद्योगी पनि मजदुरसँगै सडका उभिनुपर्ने हो र?’ उनले भने, ‘साढे ४ अर्ब रुपैयाँलाई आज साढे २२ अर्ब रुपैयाँ देखाएर जनतालाई भ्रमित गर्नु कहाँसम्मको अपराधा हो र ? यो कुरा तपाईं हामीले बुझ्नुपर्छ ।’ टिओडी मिटरको तथ्यांक डाउनलोड गरेर प्राधिकरणले राख्नुपर्ने कानूनी व्यवस्था छ । त्यो नगर्दा कुलमानजीहरु नै जिम्मेवार बन्नुपर्ने उनको भनाइ छ ।
‘३ वर्षपछि बिल पठाएर हामीमाथि अपराध गर्ने अनि टिओडी मिटरको तथ्यांक हामीसँग कहाँबाट हुन्छ र दिनू ? ’ उनले भने, ‘एकातिर सबैभन्दा धेरैलाई रोजगारी दिएको भन्दै सरकारले सम्मान गर्ने अनि अर्कातिर यसरी मानमर्दन र बेइज्जत गर्ने रु यो के हो र?’
उपभोग नै नगरेको समयको बिजुलीको फर्जी बिल देखाउँदै उद्योगको बत्ती काटेर प्राधिकरणले उद्योगीमाथि अपराधगरेको उनको आरोप छ। गोल्यानले प्राधिकरणले रिलायन्स स्पिनिङ मिल्सको बत्ती किन काटेको भन्ने आफूले बुझ्न नसकेको बताएका छन्। प्राधिकरणलाई नियमित बिजुलीको बिल भुक्तान गरे पनि बिना कुनै आधार रिलायन्सको बत्ती काटेको उनकोआरोप छ ।
‘२०७२ फागुनसम्म हाम्रो उद्योग नियमित लोडसेडिङमा बसेको छ, २०७२ फागुन ११ गते प्राधिकरणले नै सूचनानिकालेर डेडिकेटेड फिडरमार्फत विद्युत आपूर्ति दिने कार्य स्थगित गरेको छ, त्यसपछि अर्को सूचनाकहिल्यै आएको छैन, २०७५ साल माघदेखि बिजुलीको बिल तिर्नु भनेर ताकेता भइरहेको छ । अहिले आएर तलाइन नै काटियो,’ उनले भने ।
प्राधिकरणको सञ्चालक समितिको २०७२ असार १२ गते बसेको ७१० औं बैठकले पनि ‘टीओडी डाटा डाउनलोड गरी२४ घण्टा विद्युत आपूर्ति भएको अवस्था रहेमा सोही अनुसारको शुल्क लगाई बिलिङ गर्न’ मातहतकाक्षेत्रीय कार्यालयलाई निर्देशन दिएको छ ।
‘तर मैले हरेक दिन ७ देखि १०/१२ घण्टासम्म लोडसेडिङमा बसेर उद्योग सञ्चालन गरिरहेको थिएँ, विद्युत प्राधिकरणले पटकपटक रिलायन्सको नामै उल्लेख गरेर लोडसेडिङ परिवर्तनसम्बन्धी सूचना निकालेको छ, यो भन्दा बढी प्रमाण म के दिऊँ ’ गोल्यानले भने ।
विद्युत प्राधिकरणका तत्कालीन सञ्चालक भक्तबहादुर पुन संयोजकत्वको अध्ययन समितिले बुझाएको प्रतिवेदनमापनि रिलायन्सको नाम कतै उल्लेख नभएको उनको दाबी छ ।
‘सञ्चालक समितिले गरेको अध्ययन प्रतिवेदनलाई तप्राधिकरणले मान्नुपर्छ होला नि ’ गोल्यानले भने,‘प्राधिकरणले त्यसलाई पनि नमान्ने हो भने टीओडी मिटरकोतथ्यांक उपलब्ध गराउनुपर्छ । हामी पैसा तिर्न तयार छौं ।’ हचुवामा बत्ती काटेर प्राधिकरणले उद्योगीमाथि अपराध गरिरहेको उनको आरोप छ । ‘यो त उद्योगीमाथि अपराध भइरहेको छ,’ उनले भने ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै