जिल्ला स्तरीय भलिबलको उपाधि विनयबाबु स्मृति प्रतिष्ठानलाई
![](https://www.tatokhabar.com/wp-content/uploads/2024/01/Messenger_creation_2d0743f6-a286-4231-b1c6-be4732613207.jpeg)
थाहानगर – थाहानगरको चित्लाङमा सञ्चालित २७ औं जिल्लास्तरीय भलिबल प्रतियोगिताको उपाधि विनयबाबु स्मृति प्रतिष्ठानले हात पारेको छ ।
थाहा २ को विनयबाबु स्मृति प्रतिष्ठानले हेटौंडाको छहारी युवा समाजलाई २५–१९, २५–२२ र २७–२५को सोझो सेटमा पराजित गरेको हो ।
प्रतियोगितामा विजयी विनयबाबु स्मृति प्रतिष्ठानले नगद ६० हजार १ रुपियाँँसहित शिल्ड मेडल तथा प्रमाणपत्र प्राप्त गरेको छ । त्यस्तै उपविजेता छहारी युवा समाज हेटौंडाले नगद ३० हजार रुपियाँसहित शिल्ड, मेडल तथा प्रमाणपत्र प्राप्त गरेको छ ।
प्रतियोगितामा तेस्रो हुने खेलकुद विकास समिति चित्लाङले नगद २० हजार रुपैयाँसहित शिल्ड, मेडल र प्रमाणपत्र प्राप्त गरेको छ ।
प्रतियोगितामा मकवानपुर जिल्लाका १५ वटा टिमले सहभागिता जनाएका थिए ।
प्रतियोगिताको बिधागत पुरस्कार तर्फ वेस्ट स्पाइकर छहारीका निश्चल रानामगर, वेस्ट सेटर पनि छहारीकै निश्चल काउचा घोषित भए ।
त्यस्तै वेस्ट लिबेरो विनयबाबुका उज्वल लामा, बेस्ट ब्लकर विनयबाबुका उपास विष्ट र वेस्ट प्लेयर निराजन गुरुङ र वेस्ट कोच विनयबाबुकै शंकर कार्की घोषित भएका थिए ।
प्रतियोगिताका विजयी तथा उपविजेता टिमलाई मकवानपुर क्षेत्र नम्बर २ का सांसद महेश कुमार बर्तौलाले पुरस्कार वितरण गरेका थिए । स्वच्छन्द भैरव युवा क्लवचित्लाङको आयोजनामा २५ पौषबाट सुरु भएको प्रतियोगिताको पुरस्कार वितरण समारोह क्लबका अध्यक्ष पुण्यमान बलामीको अध्यक्षतामा भएको थियो ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै