शेयर बजारमा दुई वर्षयताकै उच्च कारोबार
तातोखबर, काठमाडौं / शेयर बजारमा आज मंगलबार दुई वर्षयताकै उच्च कारोबार भएको छ । मंगलबार ८ अर्ब रुपैयाँमाथिको शेयर किनबेच भएको छ । २०७८ माघ २० मा ८ अर्ब ६१ करोड रुपैयाँको कारोबार भएको नेप्से मंगलबार ८ अर्ब २ करोड २८ लाख ६२ हजार ४०६ रुपैयाँको कारोबार भएको हो ।
बैंकमा अधिक तरलता रहेकाले लगानी गर्ने क्षेत्र पहिचान हुन नसकेको बेला पूँजी बजारमा लगानी गर्न सजिलो भएको छ । निरन्तर व्याज घटेपछि डिपोजिटवालाहरुलाई पनि ओत लाग्ने र पूँजी बजारमा लगानी गर्न सजिलो भएको छ ।
मंगलबार १३ वटै उपसमूहले नेप्से उकालो लागेको छ । त्यसमध्ये फाइनान्स उपसमूहको सूचक सबैभन्दा धेरै ४.७५ प्रतिशतले बढ्यो । लगानी, लघुवित्त र जलविद्युत उपसमूहमा ३ प्रतिशतभन्दा बढीको उछाल देखियो । बैंक, विकास बैंक, व्यापार, उत्पादनमूलक र अन्य उपसमूहको सूचक पनि २ प्रतिशत भन्दामाथि चढ्यो । २१४ कम्पनीको शेयर मूल्य बढेकोमा एक दर्जबढी कम्पनीको मूल्यमा सकारात्मक सर्किट लाग्यो । सर्किट लागेकामध्येमा ९ वटा जलविद्युत कम्पनी छन् ।
८ अर्बमाथिको कारोबारमा सोनापुर मिनरल्स शीर्ष स्थानमा रहेको छ । सोनापुरको सबैभन्दा धेरै २८ करोड ३१ लाख रुपैयाँको शेयर किनबेच भएको छ । नेपाल इन्फ्रास्ट्रक्चर बैंकको २३ करोड २६ लाख र एनआरएन इन्फ्रास्ट्रक्चर कम्पनीको २१ करोड १४ लाख रुपैयाँको कारोबार भएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै