काठमाडौं / भारतको दिल्लीमा सम्पन्न तेस्रो वाको इन्डियन ओपन किक बक्सिङ प्रतियोगितामा नेपालले १ स्वर्ण र ३ कांस्यसहित ४ boxing-nepali-teem जितेको छ । फेब्रुअरी ६ देखि ११ तारिखसम्म चलेको प्रतियोगितामा पुरुष ६० केजीमा पुकार श्रेष्ठले स्वर्ण पदक जितेका छन् ।

जुनियर ५७ केजीमा सुमितशरण तामाङ, सिनियर ५७ केजीमा रोशन अछामी र ८६ केजीमा साजन थिङ तामाङले कांस्य पदक दिलाए ।

Advertisement:

४ जना खेलाडिले नै पदक जित्न सक्नु देशका लागि गर्वको कुराको भएको प्रशिक्षक दिवान्स श्रेष्ठले बताएका छन् । प्रशिक्षक श्रेष्ठ थाइल्यान्डको बैङ्क्कमा १ वर्ष केवान कोच ट्रेनिङबाट फर्केलगत्तै राष्ट्रिय टोली समालेका थिए ।

व्यवस्थापक सिमोन उप्रेती र निर्णायक विन्दा नेपाली  सहितको किक बक्सिङ् टोली भोलि स्वदेश फर्किंदै छ । यसअघि ७ सदस्यीय नेपाली टोली गत मंगलबार भारतको नयाँ दिल्ली गएको थियो।

• #कांस्य
• #किक बक्सिङ
• #पदक
• #प्रतियोगिता
• #स्वर्ण