अमेरिकाको भिटो पछि इजरायल र हमासबीचको युद्ध जारी रहने
![veto-power-use-by-usa](https://www.tatokhabar.com/wp-content/uploads/2024/02/veto-power-use-by-usa.jpg)
तातोखबर, काठमाडौं / अमेरिकाले गाजामा जारी युद्ध रोक्ने राष्ट्रसंघीय सुरक्षा परिषद्को प्रस्तावलाई भिटो प्रयोग गरेर रोकेको छ । अमेरिकाले भिटो प्रयोग गरेर इजरायल र हमासबीचको युद्ध तत्काल रोक्न नचाहेको हो ।
अल्जेरियाको नेतृत्वमा अरब राष्ट्रहरूले यो प्रस्तावलाई मंलबार मतदानका लागि पेस गरेका थिए । इजरायलको प्रमुख सहयोगी अमेरिकाले यसलाई पारित हुन नदिने चेतावनी दिएको थियो ।
यो प्रस्ताव मस्यौदाको विपक्षमा मतदान गर्ने अमेरिका मात्रै एक्लो राष्ट्र हो । अन्य १३ सदस्यले प्रस्तावको पक्षमा मतदान गरेका छन् ।
प्रस्तावमा अमेरिकाले भिटो प्रयोग गरेपछि चीनले अमेरिकाको कडा आलोचना गरेको छ । बेइजिङले अमेरिकी कदमले ‘गलत सन्देश’ पठाएको र ‘हत्यालाई निरन्तरता दिन ग्रिन सिग्नल’ दिएको भनेको छ ।
युद्ध अन्त्य गर्ने वार्तालाई समेत अमेरिकी कदमले खतरामा पारेको बेइजिङको भनाइ छ ।
सुरक्षा परिषद्को प्रस्ताव पारित गर्न कम्तिमा नौ मत चाहिन्छ । तर पाँच स्थायी सदस्य अमेरिका, बेलायत, फ्रान्स, रुस वा चीनमध्ये कसैले पनि भिटो प्रयोग गरेर रोक्न सक्छन् ।
अक्टोबर ७ देखि इजरायलले गाजामा आक्रमण जारी राखेको छ । हालसम्म त्यहाँ २९ हजारभन्दा बढीको मृत्यु भइसकेको छ । ८० प्रतिशत जनसंख्या विस्थापित भइसकेको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै