जनकपुरधाम, २० फागुन / जनकपुरमा नेकपा एमालेका उपाध्यक्ष विष्णु पौडेललाई दुई सय किलोको मालाले स्वागत गरिएको छ ।

एमालेका नेता कार्यकर्ताहरूले जनकपुरधाम विमानस्थलमा उनलाई दुई सय किलोको मालाले स्वागत गरेका हुन् ।

Advertisement:

जनकपुरधाम उपमहानगर कमिटीले तयार गरेको उक्त माला अध्यक्ष केपी शर्मा ओलीका लागि निर्माण गरिएको थियो । ओली अनुपस्थित भएपछि विष्णु पौडेललाई माला लगाइएको हो ।

आज धनुषाको क्षिरेश्वरनाथ नगरपालिकास्थित महेन्द्रनगरमा चलिरहेको प्रथम मदन भण्डारी कप राष्ट्रिय महिला हक्की प्रतियोगिताको समापन कार्यक्रमका लागि ओली आउने तय भएको थियो । तर, अचानक ओली आउने कार्यक्रम स्थगित भयो र उनको स्थानमा उपाध्यक्ष विष्णु पौडेल आएका थिए ।

• #केपी शर्मा ओली
• #दुई सय किलोको माला
• #नेकपा एमाले