प्रचण्डलाई विश्वासको मत नदिन कांग्रेसको ह्वीप
![](https://www.tatokhabar.com/wp-content/uploads/2022/07/Nepali-Congress.jpg)
तातोखबर, काठमाडौं / प्रमुख प्रतिपक्ष दल नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिन आफ्ना सांसदहरूलाई ह्वीप जारी गरिएको छ।
कांग्रेस संसदीय दलका प्रमुख सचेतक रमेश लेखकले सोमबार एक विज्ञप्ति जारी गर्दै प्रचण्डलाई विश्वासको मत नदिन ह्वीप जारी गरेका हुन्।
कांग्रेसले फागुन ३० को प्रतिनिधिसभा बैठकमा आफ्ना सांसदहरूलाई अनिवार्य उपस्थिति हुन पनि निर्देशन दिएको छ। प्रचण्डले सत्ता समीकरण बदलेर एमालेसँग सत्ता सहकार्य थालेपछि सरकारबाट बाहिरिएर कांग्रेसले बिहीबार सरकारलाई दिएको समर्थन पनि फिर्ता लिएको थियो।
कांग्रेसले समर्थन फिर्ता लिएपछि संवैधानिक व्यवस्थाअनुसार प्रधानमन्त्रीले ३० दिनभित्र मत लिनैपर्ने व्यवस्था छ। त्यसै व्यवस्थाअनुसार प्रधानमन्त्री प्रचण्डले फागुन ३० गते सदनबाट विश्वासको मत लिने कार्यतालिका रहेको छ।
प्रधानमन्त्रीलाई बहुमतका लागि १३८ सांसद आवश्यक पर्नेछ । नयाँ गठबन्धनमा सत्तापक्षसँग हाल १५० भन्दा बढी सांसद छन्। प्रतिनिधिसभामा कांग्रेसका मतदान गर्न पाउने सांसद ८७ छन्। ८८ जना सांसद भए पनि एकजना अख्तियारको मुद्दामा हाल निलम्बनमा रहेका छन्।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै