सहकारी ठगी प्रकरणमा हालसम्मको अनुसन्धानले रवि लामिछानेको संलग्नता नदेखिएको : प्रधानमन्त्री प्रचण्ड
तातो खबर
तातोखबर, काठमाडौँ / प्रधानमन्त्री पुष्पकमल दाहाल प्रचण्डले सहकारी ठगी प्रकरणमा भइरहेको हालसम्मको अनुसन्धानले कहीँकतै उपप्रधानमन्त्री एवं गृहमन्त्री रवि लामिछानेको संलग्नता नदेखाएको भन्दै बचाउ गरेका छन्। प्रमुख प्रतिपक्षी कांग्रेसलगायत दलहरूले पटकपटक संसद्मा उठाएको प्रश्न जवाफ मंगलबार दिँदै प्रधानमन्त्रीले यस्तो बताएका हुन्।
‘हालसम्मको अनुसन्धानले कहीँकतै उहाँ (रवि लामिछाने) सहकारी ठगी प्रकरणमा जोडिएको देखाएको छैन’, उनले भने, ‘सूर्यदर्शन सहकारीका बचतकर्ताले दिएको उजुरीमा सहकारीको रकम हिनामिनामा संलग्न भएको कुनै आधार र प्रमाण पनि पेश भएको छैन।’
रास्वपा सरकारमा सहभागी हुनुपहिले नै प्रहरीले रवि अनुसन्धानको दायरामा नरहेको कुरा स्पष्ट पारिसकेको भन्दै प्रधानमन्त्री प्रचण्डले अहिले कांग्रेसले यो विषयलाई अनावश्यक रूपमा राजनीतिकरण गरेको टिप्पणी गरे।
उनले भने, ‘रविजीको पार्टी सरकारमा सहभागी भएपछि यो विषयलाई संसद्को कामकारबाही प्रभावित हुने गरी उठाउनु जायज होइन। यो कुरा कांग्रेसले बुझ्नुपर्छ।’
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
