मिटरब्याजसम्बन्धी जाँचबुझका लागि सरकारले नयाँ आयोग गठन गर्यो
![rekha-sharma](https://www.tatokhabar.com/wp-content/uploads/2023/11/rekha-sharma.jpg)
तातोखबर, काठमाडौं / मिटरब्याजसम्बन्धी जाँचबुझका लागि सरकारले नयाँ आयोग गठन गरेको छ ।
बिहीबार बसेको मन्त्रिपरिषद् बैठकले उच्च अदालतका पूर्वन्यायाधीश तेजबहादुर कार्कीको नेतृत्वमा मिटरब्याजसम्बन्धी जाँचबुझ आयोग गठन गरेको हो।
गृह मन्त्रालयको प्रस्तावमा गठित आयोगमा पूर्व एआइजी पुस्कर कार्की र सञ्जिव मिश्र सदस्य रहेका छन्।
सरकारले यसअघि पूर्वन्यायाधीश गौरीबहादुर कार्कीको नेतृत्वमा आयोग बनाएको थियो । त्यस आयोगले ५ हजारभन्दा बढी मिटरब्याजसम्बन्धी लेनदेन टुंग्याए पनि पीडितहरू पैदल हिँडेर काठमाडौं आएपछि सरकारले नयाँ आयोग बनाउने सहमति गरेको थियो ।
यसैबीच सरकारले राष्ट्रिय भूमि आयोग विघटन गर्ने निर्णय गरेको छ। सत्ता समीकरण फेरबदलसँगै आयोग नयाँ बन्ने गरेको छ।
बैठकले डेडिकेटेड फिडर तथा ट्रंक लाइनबाट विद्युत उपभोग गर्ने ग्राहकहरूको महसुलसम्बन्धी विवाद निरुपण गर्न रायसहित सरकारलाई प्रतिवेदन बुझाउन गठित जाँचबुझ आयोगको म्याद १५ दिन थप गर्ने निर्णय गरेको छ। अब आयोगको म्याद चैत २५ गतेसम्म रहनेछ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै