एमाले केन्द्रीय सदस्य एवं होमस्टे अभियान्ता भीम केसीलाई पितृशोक
![](https://www.tatokhabar.com/wp-content/uploads/2024/03/Jhanak-bahadur-khatri.jpg)
काठमाडौं, ११ चैत / नेपाल कम्युनिष्ट पार्टी एमालेका केन्द्रीय सदस्य एवं नेपालका होमस्टे अभियान्ता भीमबहादुर केसीलाई पितृ शोक परेको छ । नेता केसीका पीता झनकबहादुर खत्रीको गए राती निधन भएको हो ।
बिक्रम सम्बत १९९८ साल बैशाख १७ गते पर्वतमा जन्मिएका खत्री केहि वर्षदेखि अशक्त र विरामी भई उपचार गराउँदै आएको परिवार श्रोतले जानकारी दिएको छ । स्वर्गीय झनकबहादुर खत्री आफ्ना दुई भाई छोराहरुमध्ये जेष्ठ सुपुत्र एमाले नेता एवं होमस्टे अभियान्ता होमस्टे महासंघका पूर्व अध्यक्ष भीमबहादुर केसीसँग काठमाडौंको चन्द्रागिरि नगरपालिका १५ नम्बर वडामा बस्दै आएका थिए ।
नेता भीमहादुर केसीका पीता झनकबहादुर खत्रीको निधनमा शोक सन्देशहरु प्राप्त भईरहेको छ भने उनको आजै विधिवत रुपमा आर्यघाटमा दाहसंस्कार सम्पन्न गरिएको बताईएको छ ।